12. feb 2010
Graviditetsdiskriminering
Likestillingslova § 3 forbyr direkte og indirekte forskjellsbehandling av kvinner og menn. Likevel er diskriminering på grunn av graviditet det enkeltområdet ombodet får flest spørsmål om.
Klagane til ombodet gjeld både tilsetjingar, spørsmål om tiltredingstidspunkt for personar i foreldrepermisjon, lønnsutvikling for tilsette i permisjon og endringar av arbeidsoppgåver etter permisjon.
Problema oppstår ofte i samband med vikariat og mellombelse kontraktar. Det typiske er at kvinner som går i mellombelse stillingar, ikkje får forlengt arbeidstilhøvet når dei blir gravide eller går ut i foreldrepermisjon.