Statistikk og analyse
Her kan du få eit innblikk i klagesaker som LDO har behandla dei siste åra. Ombodet har utarbeidd ei oversikt over og analysar av klagesaker på ulike diskrimineringsgrunnlag og samfunnsområde. Arbeidet er gjort i samarbeid med Skjeie-utvalet. I dokumentet finn du klagesaker frå perioden 2007 til 2010, på diskrimineringsgrunnlaga kjønn, etnisitet, religion, språk, alder og seksuell orientering. Diskrimineringsgrunnlaget nedsett funksjonsevne er ikkje med i utvalet.
Dokumentet gir ei oversikt over kven som klagar, kva det blir klaga på, og korleis det går med sakene. Typiske saker og prosessar er analyserte, mellom anna saker med bakgrunn i graviditet og fødselspermisjon, religiøse hovudplagg og likelønn. I tillegg er det gjort analysar av kven som klaga.
Ein heilskapleg likestillingspolitikk
Arbeidet er gjort i samarbeid med Skjeie-utvalet, som skal greie ut norsk likestillingspolitikk med utgangspunkt i livsløp, etnisitet og klasse.
Målet er å leggje grunnlaget for ein heilskapleg og kunnskapsbasert likestillingspolitikk for framtida.
Utvalet skal gå igjennom og vurdere verkemiddelapparatet på likestillings- og diskrimineringsfeltet.