Kjønn
Kvart år får LDO flest klagar om diskriminering på grunnlag av kjønn. Dei fleste av desse klagane gjeld arbeidslivet.
I Noreg er det framleis ofte slik at kvinner får dårlegare betalt enn menn for arbeid av lik verdi. I snitt tener kvinner berre 85 prosent av lønna til menn. Mange kvinner blir utsette for diskriminering i arbeidslivet når dei blir gravide. Det er oftast kvinner som jobbar deltid, og det er kvinner som blir minstepensjonistar.
Men også menn opplever å bli usakleg forskjellsbehandla på grunn av kjønn, særleg når det gjeld foreldrepermisjon. Transkjønna opplever også forskjellsbehandling på grunnlag av kjønn.