Kapittel 2: Introduksjon til verksemda

Ombodet er etablert av Stortinget og arbeidet er regulert i diskrimineringsombudsloven. LDO handhevar diskrimineringsforboda i lovverket, gir rettleiing, er ein pådrivar for likestilling og førar tilsyn med bestemte FN-konvensjonar.

For å oppfylle mandatet vårt skal vi hjelpe og endre. Vi skal hjelpe dei som blir diskriminert, og vi skal endre dei strukturane som fører til diskriminering. Vi skal fremme likestilling og kjempe mot diskriminering på grunn av kjønn, etnisitet, religion, funksjonsevne, seksuell orientering, kjønnsidentitet, kjønnsuttrykk, alder, medlemskap i arbeidtakarorganiosasjon og politisk syn.

Ombodet er organisert i fem avdelingar. Rettleiingsavdelinga gir rettleiing til einskildpersonar, arbeidsgjevarar og andre som har spørsmål om likestilling og diskriminering, om rettar og pliktar i arbeidslivet. Avdelinga fører og tilsyn med den lovpålagte aktivitets- og rapporteringsplikten og gir rettleiing om denne. Avdeling for lov og rettar tek imot klagar frå personar som meiner dei er blitt diskriminerte, og gir uttale om diskriminering har skjedd eller ikkje. Tilsynsavdelinga har ansvaret for ombodet sitt tilsyn med at norske styresmakter følgjer forpliktingane i bestemte FN-konvensjonar. Kommunikasjonsavdelinga er ansvarleg for ombodet sitt kommunikasjons- og pådrivararbeid. Drifts- og utviklingsavdelinga har oppgåver knytta til drifta av ombodet, og skal ivareta støttefunksjonar mellom anna innan økonomi, arkiv, kontoradministrasjon, personal, datatenester og førstelinjetenesta.

Hovudtal i 2016

I 2016 fekk vi 1870 førespurnader om rettleiing, og 175 klager på diskriminering. Det er framleis ein auke i kor mange som tar kontakt med LDO for å få rettleiing i 2016 samanlikna med tidlegare år.

(*Forskjellen mellom totalen i 2016 og 2015 er på heile 11 tilsatte. Orsaka er at tilsette i lovfestet permisjon per 31.12.2015 og personar i hospiteringsoppdrag vart erstatta. Det betyr at både vikarane og dei tilsette som var i permisjon vert medregna.)